FEDU EVENTS‎ > ‎

ۆوركشۆپى ڕۆژى ڕۆژنامەگەرى كوردى بەڕێوەچوو

posted 26 Apr 2019, 11:34 by Muhammed Seyidgul
لەيادى رۆژى رۆژنامەگەرى كورديدا ، بەشى كوردى زانكۆى كۆيە وۆركشۆپێكى پێشكەشكرد . 
ئەمڕۆ ٢١ / ٤ / ٢٠١٩ لە هۆڵى مامۆستا تاهير بەكر ، بەشى كوردى لە فاكەڵتى پەروەردەى زانكۆمان ، لەيادى ڕۆژى رۆژنامەگەرى كوردى ، وۆركشۆپێكىان پێشكەشكرد لەژێر ناونيشانى ( ڕۆژى ڕۆژنامەگەرى كوردى ) 
وۆركشۆپەكە لە چوارسيمينار پێك هاتبوو كە لە دووپانێڵدا پێشكەشكران . 
پانێڵى يەكەم .
لەمبارەيەوە دكتۆرە نەزيرە صابر كە پانێلى يەكەمى وۆركشۆپەكەى بەڕێوەبرد وتى " لەم پانێڵەدا دووسيمينار پێشكەشكران ، سيمينارى يەكەم لەلايەن پ . دكتۆر عوسمان دەشتى لەژێرناونيشانى ( ڕۆژنامەنووسى كوردى لە پێشخستنى ئەدەبى كورديدا - تێگەيشتنى ڕاستى بەنموونە ) تێگەيشتنى ڕاستى يەكێكە لە ڕۆژنامە كورديەكان لە ماوەى جەنگى جيهانى يەكەمدا ، دكتۆر عوسمان لە ميانەى سيمينارەكەيدا توانى ڕۆلى گرنگى ئەم ڕۆژنامەيە بخاتوڕوو ، لەوسەردەمەدا ، كەتوانيويەتى هەموو ژانرە ئەدەبيەكان لە خۆبگرێت و جێگايان بكاتەوە . 
سيمينارى دووەم لە پانێلى يەكەم لەلايەن د. هيوا حەميد شەريف بەناونيشانى ( پێگەى ڕۆژنامەگەرى لە پەرەسەندنى بيرى نەتەوەيي - پيرەمێرد وەك نموونە ) ناوبراو زياتر سەرنجى خستبووە سەر لايەنە گرنگەكانى هەستى نەتەوەيى پيرەمێردى شاعير ، وە ئەوهۆكارانەى كە وايان كردووە بيرى نەتەوەيى پيشان بدرێ ، لە زۆربەى ڕۆژنامەو گۆڤارەكانى ئەوسەردەمە يان سەرەتاى سەدەى بيستەمدا . 
پانێڵى دووەم . 
ئەم پانێلە لەلايەن مامۆستا رۆژكار محمد صابر بەڕێوەبردرا ، لەمبارەيەوە مامۆستا رۆژگار وتى " لەم پانێڵەدا دووسيمينار پێشكەشكران لەلايەن هەريەك لەبەرێزان دێدەوان يەعقوب ، بەناونيشانى ( هەڵەى زمانەوانى لە ئيستاى ميدياى كورديدا ) كە ئەم بەڕێزە كۆمەڵێك نموونەى بەكارهاتووى سەرزارى راگەياندنكاران و رۆژنامەنووسان بە نموونە هێناوەو لەهەمان كاتدا بەكارهێنانە راستەكەشى ئاماژە پێكرد . ناوبراو ئامانجى ئەوەبوو كە كەسانى بوارى راگەيان خۆيان بەدووربگرن لەو هەموو هەڵە زمانەوانيەى كەڕۆژانە لە ميدياكان بلاودەكرێنەوە . 
سيمينارى دووەم كە كۆتا سيمينارى پانێڵى دووەم و وۆركشۆپەكەبوو ، لەلايەن د . دەريا جمال حوێز بەناونيشانى ( خوێندنەوەيەك بۆ ژمارەكانى گۆڤارى كۆرى زانيارى كورد ) 
لەم سيمينارەشدا دكتۆر دەريا باسى قۆناغەكانى دروست بوون و بلاو بوونەوەى گۆڤارەكەى كردوو ، چەند نموونەيەك لەو نووسەرانەى لەوسەردەمەدا بابەتيان تيايدا بلاو كردۆتەوە . هەروەها ژمارەو ڕێژەى فرۆشتن و دەرچوونى ئەم گۆڤارە لە سەرەتاى دەرچوونيەوە تا كۆتايي . 
ماوەتەوە ئاماژە بۆ ئەوە بكەين كە ، وەك نەريتى هەموو وۆركشۆپەكان لە كۆتايى هەر پانێڵێكدا بواردرا بە ئامادەبووان ، كە سەرنج و تێبينيەكانيان بخەنە ڕوو بۆ ئەوەى لايەنە ناديارو شاراوەكان زياتر تيشكى بخرێتە سەر ، بەهەمان شێووەش لەلايەن پێشكەشكارەكانەوە وەلآم درانەوەو بە پێشكەش كردنى بروانەمەى ڕێزلێنان لە لايەن بەڕێوەبەرى پانێلەكانەوە كۆتايى بە وۆركشۆپەكە هات .

Comments