FEDU EVENTS‎ > ‎

گۆڤارى زانكۆى كۆيە بۆ زانستە مرۆڤايەتیی و كۆمەڵايەتييەكانئيندێكسى (DOAJ) بەدەستهێنا

posted 26 Nov 2020, 13:57 by Muhammed Seyidgul Barzinji   [ updated 26 Nov 2020, 13:58 ]

گۆڤارى زانكۆى كۆيە بۆ زانستە مرۆڤايەتیی و كۆمەڵايەتييەكان، كە لە ساڵى ٢٠١٧وە بە بەرگێكى نوێى و شێوازێكى سەردەمييانە دەستى بەكارەكانى كردووە، بە پێى پێوەرە زانستى و ئەكاديمييە جيهانييەكان پرۆسەى وەرگرتن، هەڵسەنگاندن و بلاوكردنەوەى تۆژينەوە زانستييەكان بەڕێوەدەبات.
ئێستا وەكو یەكێك لە يەكەمین گۆڤارى بوارى زانستە مرۆڤايەتى و كۆمەڵايەتييەكان لە كوردستان، لەلايەن (DOAJ Directory of Open Access Journal)وە ئيندێكس كراوە.
گۆڤارەكە هەر لەم مانگەدا مافى بەكارهێنانى بەرنامەی (Turnitin)ى تايبەت بە دزينى ئەدەبى (Plagiarisim) بەدەستهێنا و ئێستا سەرجەم تۆژينەوەكان بە پێى ستانداردی دياريكراو، بە پرۆسەى دۆزينەوەى ڕێژەى وەرگرتندا دەڕوات.
گۆڤارى زانكۆى كۆيە بۆ زانستە مرۆڤايەتى و كۆمەڵايەتييەكان، گۆڤارێكى نيو ساڵانەيە و لە ساڵێكدا دوو ژمارە بڵاودەكاتەوە. خاوەنى:
p-ISSN: 2707-9341      |      e-ISSN: 2522-3259       |      DOI:  10.14500/2522-3259
تۆژينەوەكان لە رێگەى ماڵپەڕى http://jhss.koyauniversity.org/index.php/jhss وە پێشكەشدەكرێـت.

تۆژينەوەى تۆژەران لە بوارەكانى؛ زمان و ئەدەب، مێژوو و جوگرافيا، پەروەردە و دەروونزانى، پەروەردەى وەرزش، ياسا و راميارى، كارگێڕى و ئابوورى، كۆمەڵناسى و بە هەر سێ زمانى كوردى، عەرەبى و ئينگليزى و تۆژەرانى ناوخۆ و دەرەوەش وەردەگيرێت.
پرۆسەى هەڵسەنگاندن لە گۆڤارى زانكۆى كۆيە بە شێوازى Double-Blind Peer Review ە، واتا شاراوە دوو لايەنە لە هەڵسەنگێنەر و لە توێژەریش، كە ئەمە يەكێكە لە ستانداردەكانى پاراستنى نهێنى پرۆسەى هەڵسەنگاندن.
ئێمە وەكو سەرۆك و ئەندامانى دەستەى نوسەران و بەڕێوەبەرايەتى نووسينى گۆڤارەكە، ئەم هەواڵە مژدەبەخشە بە مامۆستايان و تۆژەرانى زانكۆى كۆيە و زانكۆكانى ديكەى كوردستان و عێراق و دەرەوە رادەگەێنين. دووپاتيدەكەينەوە كە كار لەسەر هەنگاوى داهاتوو دەكەين تاكو گۆڤارەكەمان دەگەێنينە ئاستى نێودەوڵەتی بەرزتر.

دەستەی نوسەران و بەڕێوەبەرانی گۆڤارى زانكۆى كۆيە بۆ زانستە مرۆڤايەتى و كۆمەڵايەتييەكان


Comments