FEDU EVENTS‎ > ‎

بەشى جوگرافيا بەشداريكرد لە چالاكيەكانى رۆژى ژينگە

posted 16 Apr 2019, 15:50 by FEDU Q.A


بە ئامادەبوونى بەشێكى زۆرى مامۆستايان و خوێندكارانى بەشى جوگرافياى فاكەلتى پەروەردە لە ٢٠١٩/٤/١٦ كە رۆژى ژينگەيە چەندين چالاكى ئەنجامدرا، لەوانە پاككردنەوەى بەشێكى شەقامەكانى شارى كۆيە و پێشكەشكردنى دوو سيمينار لەلايەن ئيسماعيل عەبدوڵا بەرێوبەرى گەشتوگوزارى كۆيە و دكتۆر محمد ناسر مامۆستاي زانكۆي كۆيە.

د.نالى جەواد سەرۆكى بەشى جوگرافيا دەڵێت "بە درێژايى نۆ سالى رابردو و بێ پچڕان هەموو سالێك چالاكى جۆراو جۆرمان ئەنجام داوە لە رۆژى ژينگەدا، لە ئەنجامدانى ئەم چالاكيانە چەندين ئامانجمان هەيە كە دەمانەوێت زياتر پاك ڕاگرتنى ژينگە بكەينە بوارى پراكتيكى"

دەشڵێت " بەشێكى زۆرى خوێندكارەكان تيێدا بەشدار بوون ، بەئامانجى ئەوەى لە داهاتوودا هەر يەك لەم خوێندكارانە بتوانێت رێنمايى پاراستى ژينگە پێشكەش بە هاوڵاتيانى ناوچەكەى خۆى بكات، لە پاڵ ئەوەشدا توانيمان بەشێك لە شەقامەكانى شارى كۆيە پاك بكەينەوە، پەيامێكى ناڕاستەوخۆش بگەێنين كە پاراستنى ژينگە و و پاك ڕاگرتنى تەنها ئەركى كارمەندانى شارەوانى نييە بەڵكو ئەركى سەرجەم تاكەكانى كۆمەلگايە"


Comments