دواى ئەوەى بەڕێز (پ.ى.د.باوەدین کەریم مەولود) لەسەر داواى خۆى و بەهۆى بارى تەندروستى خۆى دەست لەکارکێشانەوەى بێشکەشکرد، ئەمڕۆ دووشەمە ڕێکەوتى 30-11-2020 لەشوێنى بە ئامادەبوونى بەڕێز (پ.د. وەلى مەحمود حەمەد) و هەرسێ یاریدەدەرانى سەرۆکى زانکۆ، بەڕێزان پ.ى.د. رۆستەم سەلام عەزیز، پ.ى.د. حەیدەر لەشکرى، د. قارەمان شێخ بزەینى، هەروەها بەڕێز پ.ى.د. لوقمان وسو عمر ئەمیندارى ئەنجومەنى زانکۆو هەریەکە لە بەڕێزان پ.د. سەفین جەلال فتح الله ی.ڕاگرى فاکەڵتى پەروەردەو سەرۆکى سەرجەم بەشەکانى فاکەڵتى پەروەردە، مەڕاسیمێکى ڕێزلێنانى بۆ سازکراو دواى وتەى بەخێرهاتن لەلایەن ی.ڕاگرى فاکەڵتیی پەروەردە بەڕێز سەرۆکى زانکۆ چەپکە گوڵى ڕێزو وەفادارى و بڕوانامەى ڕێزلێنان پێشکەش بەبەڕێز (پ.ى.د.باوەدین کەریم مەولود) کراو بەوپەڕى ڕێزو حورمەتەوە لەلایەن ئەنجومەنى فاکەڵتى و فەرمانبەرانى فاکەڵتى پەروەردەوە بەڕێکرا.

شایانى باسە بەڕێز (پ.ى.د.باوەدین کەریم مەولود) یەکێک بووە لە دامەزرێنەرانى زانکۆى کۆیەو لەسەرەتاى کردنەوەى یەکەم کۆلیج لە کۆیە دەستى هەبووە لە دامەزراندنى زانکۆمان و ڕۆڵى هەبووە لەو بەرەوپێشچوونەى ئەمڕۆ زانکۆى کۆیە پێى گەیشتووە.
هیواى سەرکەوتن و تەندروستى باشى بۆ دەخوازین.

نامەیەکی دکتۆرا لەبواری جوگرافیا تاوتوێکرا

ڕۆژی شەمە ڕێکەوتی 7/11/2020 لەهۆڵی م.تاهیر بەکر لە فاکەڵتیی پەروەردەی زانکۆی کۆیە، نامەی دکتۆرای خوێندکاری خوێندنی باڵا- دکتۆرا (دلێر عەزیز تەها) لەبواری جوگرافیا تاوتوێکرا.

لیژنەی گفتوگۆ پێکهاتبوو لەبەڕێزان:
پ.د.سەفین جەلال فتح اللە سەرۆکی لیژنە
پ.ی.د.کامەران تاهیر سعید ئەندام
پ.ی.د.سۆران حمدامین ئەندام
پ.ی.د. ئامانج احمد ‌ ئەندام
پ.ی.د.لوقمان وسو عمر ئەندام
پ.د. احمد کاکەیی ‌ ئەندام و سەرپەرشتیار

دوای گفتوگۆیەکی زانستیانەو بەرگریکردنی ناوبراو لەنامەکەی، بڕوانامەی دکتۆرای پێ بەخشرا.
پیرۆزبایی لەو هاوڕێ و هاوکارەمان دەکەین، هیوای سەرکەوتنی زیاتری بۆ دەخوازین.

فۆتۆ: دڵشاد کاکەڕەش

شاندێكى رەوتى حيكمەى نيشتيمانى بە سەرۆكايەتى بەڕێز كاروان بابان سەردانى سەنتەرى مەلاى گەورە بۆ تۆژينەوەيان كرد. هەر يەك لە د. هشيار زەكى بەڕێوەبەرى سەنتەرەكە و م. ى. محمد سيدگوڵ بەرزنجى ئەندامى سەنتەرەكە لە پێشوازى شاندى مێماندا بوون. لە ميانى كۆبوونەوەكەدا شاندى ميوان و سونتەرى مەلاى گەورە تاوتوێى  چەندين تەوەرى هاوبەش كرا و بەو پێيەى كە رەوتى حيكمە گرنگى بە كاروباری ئافرەتان و گەنجان دەدات لە ڕێگای چەندین ئەكادیمیا و دامەزراوەی گشتیی مەعریفی، جەخت لە سەر كاری هاوبەش كرا لە رێگەى بەستنى كۆڕ و كۆبوونەوە و كۆنفڕانس و سیمینار بۆ وریابوونەوەی گەنجان و ئافرەتان لە داهاتودا.

هاوكات شاندى مێوان ئامادەيى خۆيان نيشاندا لەسەر پتەوكردنى پەيوەندييەكان لەگەڵ سەنتەرى مەلاى گەورە و زانكۆى كۆيە

 فۆتۆ: هەندرێن هەژار

پڕۆژەی ئینسیکلۆبیدیای زانکۆی کۆیە بەردەوامە

دوای ئەوەی ساڵێک زیاتر بەر لە ئەمڕۆ، سەرۆکایەتیی زانکۆی کۆیە لیژنەیەکی باڵای پێکهێنا لەکەسانی ئەکادیمی و نووسەرو ڕووناکبیران، بە بەشداری چەند لێکوڵەرێکی بیانی، بەمەبەستی ئامادەکردنی ئینسایکلۆبیدیای کۆیە.
ڕۆژی سێ شەمە، ڕێکەوتی 10/11/2020 کاتژمێر 10 لە هۆڵی ئەنجومەنی زانکۆ کۆبوونەوەی ئاسایی لیژنەکە بە سەرپەرشتی بەڕێز پ.د.وەلی مەحمود حەمەد سەرۆکی زانکۆو سەرۆکی لیژنەکەو بە ئامادەبوونی بەشێک لە ئەندامانی لیژنە لەناو هۆڵەکەو بەشداریکردنی ئەو ئەندامانی دوورن لە ڕێگەی ئۆنلاین، بەڕێوەچوو.
شایانی ئاماژەپێکردنە هەریەکە لەئەندامانی بەڕێزی لیژنە ئاماژەی بە ڕێژەی ئەنجامدانی کارەکانی خۆی کردو ئەمەش خاڵێکی دڵخۆشکەرە، کە دەکرێ لە داهاتوویەکی نزیکدا بەرهەمەکەی ببینرێت.

تێزێکی دکتۆرا لەبواری خوێندنی ئاینی لە فاکەڵتیی پەروەردە تاوتوێ کرا

ڕۆژی چوارشەممە، ١٨/ ١١/ ٢٠٢٠ نامەی تێزی دکتۆرای خوێندکار "ئارەزو نورەدین ڕەشید" لە فاکەڵتیی پەروەردە، بەشی پەروەردەی ئاینی لە هۆڵی "مامۆستا تاهیر بەکر" بەڕێوە چو.
لیژنەی وتووێژ پێک هاتبون لە بەڕێزان:
پ.د. سلێمان سەلیم ئیبراهیم
پ.د. بەدرخان مستەفا ئیبراهیم
پ.ی.د. ئازاد سعید سمۆ
پ.ی.د. کەریم محەمەد کەکو
پ.ی.د. عەباس عەلی سلێمان
پ.ی.د. هێمن عەزیز برزیم
پ.ی.د. ئازاد ئیسماعیل عەلی

دوای وتووێژێکی زانستییانە و، بەرگریکردنی ناوبراو لە نامەکەی؛ بڕوانامەی دکتۆرای پێ بەخشرا.
پیرۆزبایی لە ناوبراو دەکەین و، هیوای سەرکەوتنی زێتری لۆ دەخوازین.

بەڕێوەبەرایەتیی ڕاگەیاندن
وێنە: دڵشاد کاکەڕەش

مامۆستایەکی زانکۆی کۆیە بەھاوبەشی لەگەڵ مامۆستایەکی زانکۆی سەلاحەدین کتێبێک بڵاودەکاتەوە.

کتێبی (تێۆری ئەدەبی)، لە نووسینی جۆناسان کالەر، مامۆستا (سەنگەر نازم حوسێن) مامۆستا لە بەشی پەروەردەى بنەڕەتى ئێوارانی فاکەڵتیی پەروەردەی زانکۆمان، بەھاوبەشی لەگەڵ (پ.د.هیمداد حوسێن) لەزمانی فارسییەوە وەریانگێڕاوەتە سەر زمانی کوردی.
ژمارەی لاپەڕەکانی کتێبەکە 320 لاپەڕەیە.
ساڵی چاپ 2020.
تیراژ هەزار دانە.
ناوەندی بڵاوکردنەوەی فێربوون، هەولێر
لەم کتێبەدا نوێترین تیۆرە ئەدەبییەکان خراونەتە بەر باس بەتایبەت تیۆرەکانی پاش بونیادگەری.
پیرۆزبایی لەو ھاوڕێ و ھاوکارەمان دەکەین، بەھیوای کارو بەرھەمی مەزنتر.